دەبێ بەرگری لە کۆمەڵگە بکرێت
پێناسە :

ئەم کتێبە لە یازدە وانەوتار (لێکچەر)ی جیاجیا پێک هاتووە و سەروەختی خۆی فوکۆ وەکو وتاری هەفتانە لە هۆڵی ژمارە هەشتی زانکۆی دۆفرانس پێشکەشی کردووە بە ئامادەبووان.

تەوەری ئەم کتێبە بەدەوری باسی دەسەڵات و سەروەری و جەنگ و پەیوەندییەکاندا ئەخولێتەوە.

بە پێچەوانەی ماکیاڤێلی و هۆبزەوە، فوکۆ لەم وانانەدا پێی وا نییە دەسەڵات لە پاشاکان و سەرۆکەکاندا چڕ ببێتەوە و لای ئەوانەوە پراکتیزە بکرێ، بەڵکو دەسەڵات وەک کۆمەڵێک وردە دەسەڵات دەبینێ، کە لە زۆر شوێندا ئامادەیییان هەیە و لە زۆر دامودەزگانی نێو کۆمەڵگە خەریکی ملکەچکردن و سزادان و دیسپلینکردنی مرۆڤن...

لەم کتێبەدا، کە یەکێکە لە گرنگترین کارەکانی فوکۆ و فەلسەفەی سیاسیی فوکۆی تێدا خەمڵیوە، فوکۆ لەوە ناکۆڵێتەوە کە دەسەڵات چییە، بەڵکو بەشوێن ئەوەوەیە کە دەسەڵات چۆن کار دەکا و کایەکانی دەسەڵات چین؟ دەسەڵاتی سەروەر و دەسەڵاتی دیسپلینکەر، پەیوەندییەکانی نێوان دەسەڵات و تاک و بەرەنگاری، یا پەیوەندیی جەنگ و دەسەڵات، کارکردن لەسەر وتەکەی کڵاوستڤیتز کە دەڵێ، سیاسەتیش هەر جەنگە، بەڵام بە کەرەستەی دیکە. بەرپەرچدانەوە و تاوتوێکردنی دید و ڕوانگە فیکرییەکانی هۆبز و ماکیاڤێلی و ئۆگەستین تێری و... وێڕای تیشکخستنە سەر ململانێی چینایەتی و ململانێی نەژادی، شەڕی نەژادی و گەڕانەوە بۆ ڕەگوڕیشەکانی فاشیزم و ڕاسیزم و مامەڵەی دەوڵەت لەگەڵ مەسەلەی نەژاد. باسکردنی ئەوەی دەسەڵات چۆن جەستەی تاکەکان و هاوکات چۆن دانیشتووان دیپسلین دەکا....

کتێبی هاوشێوە

ژماردنی کۆمێنتەکان : 0

+