باوڵەکەی باوکم
پێناسە :

کاری نووسیاری بریتییە لە قسەکردن دەربارەی ئەو شتەی هەموو کەسێك دەیزانێت، بەڵام نازانێت کە دەیزانێت. دۆزینەوەی ئەو زانیارییە و خۆشکردن و بڵاوکردنەوەی، هەل بۆ خوێنەر دەڕەخسێنێت بە سەرسووڕمانەوە چێژ لە خۆشاردنەوە لە دنیایەکی زۆر ئاشنا بە خۆیدا وەربگرێت. دیارە ئەو چێژە لەوەوە وەردەگرین کاتێك شتە زانراوەکان بە هەموو ڕاستیی خۆیانەوە دەڕژێنینە نووسینەوە. ئەو نووسەرەی خۆی لە ژوورێکدا قایم دەکات و چەندین ساڵ هونەری خۆی پێشدەخات و کار بۆ ئافراندنی دنیایەك دەکات، کاتێك لە برینە شاراوەکانی خۆیەوە دەست بە کار دەکات، پێ بزانێت، یان نا، بەو کارەی پێشانی دەدات کە متمانەیەکی قوڵی بە مرۆڤایەتی هەیە. منیش هەمیشە هەڵگری ئەو متمانەیەم کە پێی وایە مرۆگەل لەیەك دەچن و کەسانی تریش برینی هاوشێوەی برینەکانی نووسەریان هەیە و لەو سۆنگەیەوە تێگەیشتنیان بۆ یەکدی هەیە. هەموو ئەدەبیاتێکی ڕەسەن لەسەر بنەمای متمانەیەکی منداڵئاسا و گەشبینانەی تایبەت بە لە یەکچوونی مرۆگەل ڕاوەستاوە. کەسێك، کاتێك چەندین ساڵ خۆی لە ژوورێکدا قایم دەکات، ئاڕاستەی بانگەوازی لە مرۆڤایەتییەکی لەو جۆرە و لە دنیایەکی بێ چەقە.

کتێبی هاوشێوە

ژماردنی کۆمێنتەکان : 0

+